Soi Fede y esto ye lo que faigo.
Interpretación y traducción
Estudié Traducción y Interpretación na Universidá de Salamanca y el máster n’Interpretación de Conferencies na Universidá de Heidelberg.
Investigación
El mio interés poles llingües va más allá de lo práctico. Por eso dedícome a investigar fenómenos llingüísticos, sobremanera en quichua santiagueño.
Gráfica y multimedia
Dientro del mercáu de la traducción, hai más que testu: la maquetación, animación y edición d’imaxes y vídeos tienen tamién un papel mui importante.
Folclore arxentín
N’Arxentina depréndense les nociones básiques de dances tradicionales na escuela. Yo siempres quedé con ganes de más. Anguaño, enseño folclore arxentín centrándome na so dimensión social.
La mio hestoria
Nací na Pampa húmeda y pasé la mayor parte de la mio vida diendo d’un llugar a otru. Criáu ente Asturies (España) y Salta (Arxentina), para la Universidá treslladéme a Castiella y la mio carrera llevóme a Holanda y finalmente al sur y l’oeste d’Alemaña.
Na actualidá, dende Bonn, combino’l mio trabayu na industria de la localización cola mio pasión poles llingües minorizaes y les dances tradicionales. Dáseme bien cocinar y faer declaraciones d’impuestos y nun soi bonu para correr o escoyer ropa.
